WASHINGTON —
Umongameli Barack Obama wakhonapha eMelika wethule amazwi enduduzo emhulini zabantu be dolobheni le Oklahoma, ngoLwesibili kulandela ingozi yezulu elilesiphepho eleTornado elilimaze njalo labulalala abanye, ikakhulu e Newcastle le Moore.
Izulu leli, elidilizele abantu izindlu, izakhiwo lempahla ngoMvulo, libikwa litshayile njalo ngoLwesibili kwezinye indawo ze Moore.
Imifanekiso ephuma kumabonakude iveza ukuba kulezikolo ezimbili ezitshaywe zadilika zaba lubhuqu abantwana bekhona phakathi befunda ngoba lingozi ihlasele abantwana besese sikolo ngoMvulo emini.
Umongameli Obama uthi uhulumende weMelika uncedisa kakhulu abathintwe yile ingozi, njalo banengi asebeqalisile ukuhlenga abantu e Oklahoma.
UMnu. Dumaphi Mema, isizalwane seZimbabwe esihlala e Dallas e Texas, duzane lomngcele we Oklahoma utshele iStudio 7 ukuthi baxwayiswe ukuthi behlale beqaphele ukwenzela ukuthi bezivikele kule ingozi.
Izulu leli, elidilizele abantu izindlu, izakhiwo lempahla ngoMvulo, libikwa litshayile njalo ngoLwesibili kwezinye indawo ze Moore.
Inani labafileyo libikwa selifike kwabangamatshumi amabili lane-24, abagoqela abantwana abathoba munwe munye, kwalimala abedlula amakhulu amabili- 237. Usibalukhulu weOklahoma uGov. Mary Fallin utshele umhlangano lentathelizindaba ukuba abahlengi lokhe beqhubeka bedinga izidumbu labasinde kule ingozi phakathi kwenqwabanqwaba yezindlu ezidilikileyo lezakhiwo ngakhoke leli nani lilakho ukuqonga.
Imifanekiso ephuma kumabonakude iveza ukuba kulezikolo ezimbili ezitshaywe zadilika zaba lubhuqu abantwana bekhona phakathi befunda ngoba lingozi ihlasele abantwana besese sikolo ngoMvulo emini.
Umongameli Obama uthi uhulumende weMelika uncedisa kakhulu abathintwe yile ingozi, njalo banengi asebeqalisile ukuhlenga abantu e Oklahoma.
UMnu. Dumaphi Mema, isizalwane seZimbabwe esihlala e Dallas e Texas, duzane lomngcele we Oklahoma utshele iStudio 7 ukuthi baxwayiswe ukuthi behlale beqaphele ukwenzela ukuthi bezivikele kule ingozi.
