amalinks wokungena

Breaking News

Ingxabangoza Iyaqhubeka Ebandleni le MDC-T


MDC-T
MDC-T

Esigabeni se Manicaland lakho kubikwa kulokuxokozela kulandela ukwala ukumiswa umsebenzi okwenziwa yinkokheli yalesi sigaba

Ingxabangxoza kubandla le MDC-T iqhubekela phambili kulandela ukumiswa komhlangano obu kade umele uhlaziye ngobukhokheli be Chitungwiza.

Lumhlangano ubuhlose ukutshengisela ukukhonona kwenkokheli yalesi sigaba ebikwa isekela uMnu. Elton Mangoma owathi uMnu. Morgan Tsvangirai kasuke esihlalweni. Lumhlangano ubikwa udluliselwe phambili ngoba umgcinisihlalo we Chitungwiza, uMnu. Alexio Musundire ubengaziswanga ngawo.

Kunjalo nje, esigabeni se Manicaland lakho kubikwa kulokuxokozela kulandela ukwala ukumiswa umsebenzi okwenziwa yinkokheli yalesi sigaba eyalotshelwa ugwalo ngumqoqi wenhlelo zebandla, uMnu. Nelson Chamisa.

Kuthi khona ngempelaviki kube lokutshengisela kwamalunga emahofisini alesisigaba esithi inkokheli kayixotshwe esigabeni.

Kodwa isikhulumeli sebandla esigabeni lesi, uMnu. Pishai Muchauraya utshele iStudio 7 ukuthi kabemukeli isinqumo sokubamisa umsebenzi ngoba kasenziwanga okusemthethweni.

Sixoxe lomsekeli kanobhala oqoqa inhlelo zebandla, uMnu. Abednico Bhebhe ukuze sizwe ukuthi ibandla lithini ngaloludaba.

please wait

No media source currently available

0:00 0:01:04 0:00
Lapho esitholakala khona
XS
SM
MD
LG