Inhlanganiso ezizimeleyo bezithe gwaqa eHarare lamuhla lapho ezivumelane khona ukuthi indlela ukhetho LweZambia olokudinga umongameli olwaqhutshwa ngayo ibikhululekile, njalo kufanele eleZimbabwe lilandele indlela efanayo kukhetho oluzayo olokudinga abazamela iChirumanzu-Zibagwe le Mt Darwin West. edale lephalamende.
Omunye wabakhulume kulumhlangano, obuqoqwe yinhlanganiso ekhankasela ukuqhutshwa kokhetho olukhululekileyo eye Zimbabwe Election Support Network, i-ZESN yingcwethi ecubungula ezombusazwe uMnu.Philani Zamchiya yena othe inhlanganiso ezizimeleyo kweleZambia zona zenelisa ukuthi zifundise abantu ngokuphathelane lokhetho lokunye ngendlela engcono nxa ziqathaniswa lezeZimbabwe.
Akuhlaziya loludaba, asizweni imbono kaMnu. George Mkhwananzi, ingcwethi ecubungula ezombusazwe.
UMnu. Mkhwananzi utshele uSithandekile Mhlanga weStudio 7 ukuthi imbangela yikuthi kube labohulumende abehlukeneyo eZambia selokhu lelolizwe lathola uzibuse, kukanti kweleZimbabwe, uhulumende webandla leZANU PF uyesaba ukuthi abumbe imithetho ekhululekileyo ngoba intando yabantu ingamkhupha embusweni.
