amalinks wokungena

Breaking News

Abesifazane abeMatobo, Baziphilisa Ngokulima Lokuthengisa Inhlanyelo


Inhlanyelo elungiswa ngendlela zendulo
Inhlanyelo elungiswa ngendlela zendulo

Abesifazane basemangweni weMatobo, bathi sebesanelisa ukuziphilisa ngokulima lokuthengisa inhlanyelo elondolozwa ngendlela zesintu ezendulo.

Bathi benza lokhu ngemva kokunanzelela ukuba inhlanyelo elungiswa ngendlela yakulezi nsuku ingabatholisi nzuzo idinga okunengi njalo ingasahambelani lokuguquka komkhathi.

Lokhu kuphume ekukhulumisananeni labo mama abeze embukisweni wenhlanyelo lokudla kwesintu owe Seed and Food Festivals.

Unkosazana Tracy Moyo ovela eMaphisa eMatobo, olengane eziyisitshiyagalombili ( 8 ) lezizukulu ezinhlanu, uphila ngokulima lokuthengisa linhlanyelo elondolozwa ngendlela yendulo. Ukhethe ukulandela lindlela uMaMoyo ngemva kokuba esenanzelele ukuba imlethela isivuno esihle.

Zinengi indlela azisebenzisayo ukuyilondoloza inhlanyelo yakhe ayithengisela abanye kuveza uMaMoyo.

Unkosikazi Siphathisiwe Ncube wase Tshelanyemba Village, ku ward Sigangatsha khona esigabeni seMatobo, laye uphila ngokulima izilimo zendulo kanye lokuthengisa linhlanyelo elondolozwa ngendlela yesintu.

Ngaye iba khona indawo lapho bengaphathela khona umsebenzi ngendlela ephezulu okufana le Proccessing Centre, kubaphathise ekulungiseni ukudla kukunengi ngasikhathi sinye njengoba sekuthakazelelwa ngabanengi kuveza unkosikazi Ncube.

Lendlela yokulondoloza ukudla ingahluphi ukuyilandela nxa sekuqathaniswa lezakulezi nsuku utsho njalo unkosikazi Ncube.

Unkosikazi Cola Nyathi udabuka Tshelanyemba, eMatobo ku Ward seven, ko Malaba ulengane eziyisikhombisa. Uphatheke laye ekulimeni ukudla kwesintu kanye lokulungisa linhlanyelo yendulo.

Uthi kunje inengi esigabeni avela kiso sebekuzwisisa ukuba kuqakathekile ukuthi balandele ukudla kwesintu kanye lendlela yokukulondoloza.

Abesifazane laba bathi osekubenza babuyele kundlela zokulondoloza izilimo lokudla ngendlela yesintu, yikunanzelela ukuba isisanda imikhuhlane engalephekiyo ikakhulu engathelelanwqayo okubalisa imihlobo ehlukeneyo yemvukuzane.

Udaba lwenhlanyelo elungiswa ngendlela zendulo
please wait

No media source currently available

0:00 0:05:18 0:00
Lapho esitholakala khona

XS
SM
MD
LG