BULAWAYO —
Iqembu labafana abaleminyaka engaphansi kwelitshumi lathoba munwe munye elimela ilizwe emdlalweni kakhilikithi linqobe ele Canada ngama wickets ayisithupha emdlalweni wabo wakuqala kumncintiswano wezizwe zomhlaba oqhutshelwa elizweni lase United Arab Emirates.
Iqembu le Zimbabwe yilo eliqalise ukutshaya ibhola yathola amaruns asilela ngamahlanu ukuba afike kumakhulu amabili (195) phakathi kwama overs angamatshumi amane lantathu kwathi iqembu le Canada seliphendua lenelisa ama runs asilela ngayithoba minwe mbili ukuba afike kumakhulu amabili (192) phakathi kwama overs angamatshumi amahlanu.
Umdlali weZimbabwe uJoylord Gumbie nguye obuthelele ama runs amanengi ngesikhathi leliqembu litshaya ibhola njalo uthole angamatshumi amane lathobamunwe munye (49) kuthi umdlali weqembu le Zimbabwe othethe ama wickets abadlali base Canada amanengi ngu Tinashe Kamunhukamwe okhiphe abadlali abane.
IZimbabwe ikusibaya sika Group C njalo izadlala umdlalo wayo olandelayo leqembu le West Indies ngeNsonto mhla zilitshumi lesithupha. Emdlalweni walo wezibaya iqembu le Zimbabwe lizadlala lele South Africa mhla zilitshumi lathobaminwe mbili.
Sikhangele umdlalo wenguqu; amaqembu amela ilizwe leZimbabwe emidlalweni yokudinga intshantshu zomdlalo wenguqu kuzwekazi lase Africa athi iDynamos kanye le How Mine akhangelelwe ukuphumelela kumidlalo yawo eyehlandla lesibili kusigaba se preliminary round kumncintiswano ethi owe African Champions League kanye lowe African Confederations Cup azayidlala kulimpelaviki.
Iqembu le How Mine lisesihlengeni sase Zanzibar lapho eliyedlala khona leqembu le Chuoni Football Club kusasa ngoMgqibelo kumncintiswano we Confederations Cup njalo iqembu leChikurupati likhokhela nge 4 ka nya ngemva kokunqoba kwalo kuhlandla lakuqala lomdlalo elidlalwe ngempelaviki edluleyo.
Ekhuluma phambilini kokuphakama kweqembu lakhe libhekise amabombo khonale eZanzibar umqeqetshi weqembu le How Mine uPhilani “Beefy” Ncube uthe abafana bakhe bazavala ngebhetshu ukuze bavikele isango labo.
Iqembu le Dynamos lona livakatshele elizweni lase Botswana lapho eliyedlala khona leqembu le Mochudi Centre Chiefs ngeNsonto kumncintiswano we Champions League njalo iDeMbare izangena kulumdlalo ikhokhela nge 3 ka nya ngemva kokunqoba kwayo emdlalweni wehlandla lakuqala oqhutshelwe elizweni le Zimbabwe ngempelaviki edluleyo.
Iqembu le Zimbabwe yilo eliqalise ukutshaya ibhola yathola amaruns asilela ngamahlanu ukuba afike kumakhulu amabili (195) phakathi kwama overs angamatshumi amane lantathu kwathi iqembu le Canada seliphendua lenelisa ama runs asilela ngayithoba minwe mbili ukuba afike kumakhulu amabili (192) phakathi kwama overs angamatshumi amahlanu.
Umdlali weZimbabwe uJoylord Gumbie nguye obuthelele ama runs amanengi ngesikhathi leliqembu litshaya ibhola njalo uthole angamatshumi amane lathobamunwe munye (49) kuthi umdlali weqembu le Zimbabwe othethe ama wickets abadlali base Canada amanengi ngu Tinashe Kamunhukamwe okhiphe abadlali abane.
IZimbabwe ikusibaya sika Group C njalo izadlala umdlalo wayo olandelayo leqembu le West Indies ngeNsonto mhla zilitshumi lesithupha. Emdlalweni walo wezibaya iqembu le Zimbabwe lizadlala lele South Africa mhla zilitshumi lathobaminwe mbili.
Sikhangele umdlalo wenguqu; amaqembu amela ilizwe leZimbabwe emidlalweni yokudinga intshantshu zomdlalo wenguqu kuzwekazi lase Africa athi iDynamos kanye le How Mine akhangelelwe ukuphumelela kumidlalo yawo eyehlandla lesibili kusigaba se preliminary round kumncintiswano ethi owe African Champions League kanye lowe African Confederations Cup azayidlala kulimpelaviki.
Iqembu le How Mine lisesihlengeni sase Zanzibar lapho eliyedlala khona leqembu le Chuoni Football Club kusasa ngoMgqibelo kumncintiswano we Confederations Cup njalo iqembu leChikurupati likhokhela nge 4 ka nya ngemva kokunqoba kwalo kuhlandla lakuqala lomdlalo elidlalwe ngempelaviki edluleyo.
Ekhuluma phambilini kokuphakama kweqembu lakhe libhekise amabombo khonale eZanzibar umqeqetshi weqembu le How Mine uPhilani “Beefy” Ncube uthe abafana bakhe bazavala ngebhetshu ukuze bavikele isango labo.
Iqembu le Dynamos lona livakatshele elizweni lase Botswana lapho eliyedlala khona leqembu le Mochudi Centre Chiefs ngeNsonto kumncintiswano we Champions League njalo iDeMbare izangena kulumdlalo ikhokhela nge 3 ka nya ngemva kokunqoba kwayo emdlalweni wehlandla lakuqala oqhutshelwe elizweni le Zimbabwe ngempelaviki edluleyo.