amalinks wokungena

Breaking News

Iqula leIMF Lethekelela eZimbabwe


Iqula lenhlanganiso ekweledisa amazwe womhlaba imali, ele International Monetary Fund, elisekwethekeleleni eZimbabwe lithi inkinga ilizwe elibhekane lazo zingeke zaphela kungela sizo oluvela enhlanganisweni ezitholisa usizo ezinjengayo i-IMF, iWorld Bank lezinye.

Lokhu kuvezwe ngumkhokheli waleliqula le IMF, umnumzana Domenico Fanizza, ngesikhathi exoxisana lamalunga edale lephalamende lamuhla ekuseni.

U Fanizza uthi baze eZimbabwe ukuzakwenza inhlosiso phezu kokwathenjiswa yileli lizwe ukuba lizakulandela ngaphansi kohlelo lwe Staff Monitoring Program. Uthi u Fanizza eleZimbabwe lingatholiswa usizo lwezikwelede zemali zokusebenzisa kumisebenzi yentuthuko kuphela nxa lingalandela okumele kulandelwe, zigcwaliswe lezithembiso kwezokubuyisela izikwelede ezivele zikhona.

Ngemva kwaloluhambo, iqula le IMF leli lizayabhala i Report etsho ukuba kuyini elikutholileyo phezu kwezokuthuthukiswa komnotho eZimbabwe.

Okunye kwalokhu kuyikuba eleZimbabwe liyanelisa na ukuqhuba inhlelo eziletha inguquko uqobo ezaphathisa ekuthuthukisweni komnotho okungenza libe ngelinye lamazwe anelisa ukuthola usizo lwemali ngesikhathi esizayo.

Leliqula liveze njalo ukuba uhulumende kumele alungisise udaba olufana lokuqhatshwa kwezisebenzi ezinengi kwezinye inhlangothi zikahulumende kanye lokuba lucaciswe kakuhle udaba lokunikezwa kwamankampani kuzizalwane zakuleli olwe Indiginisation and Empowerment Policy.

XS
SM
MD
LG