Sunday, May 19, 2013 Local time: 07:35
Audio menu
Audio  Inhlelo
Audio Studio 7 for Zimbabwe
Audio Nhau dzeShona

Indaba / Ezombusazwe

SADC: Siphezu Kwalo Udaba LweZimbabwe

x
TEXT SIZE - +
Ntungamili Nkomo

23.11.2012

WASHINGTON — Umanyano weSadc uthi ingxabano enzakala eDRC leMozambique ayisoze iyiphambule imizamo yayo yokulungisisa udaba lweZimbabwe.

ISadc iphatheke kabi ngempi esiqhamuke kweleDRC lokwenzakala eMozambique lapho ibandla eliphikisayo eleRenamo elithi lilakho ukuvukela uhulumende yiloba nini.

EleMozambique yilo elingumgcinisihlalo weSadc.

Umabhalane walinhlanganiso uMnu Tomaz Salomao uthi iSadc izaqhubeka idinga isisombululo kudaba lweZimbabwe kungelani lokwenzakala emazweni womabili.

Umlamulankunzi kudaba lweZimbabwe uMongameli Jacob Zuma weleSouth Africa, laye ukhanya ebhekane lendubo ezinengi elizweni lakhe. 

Ingcwethi kwezombusazwe uMnu Dumisani Nkomo uthi ngempela kayiboni iSadc iphambuka kudaba lweZimbabwe.

Kunjalo nje umphathintambo obona ngokwethulwa kwemibiko uMnu Webster Shamu uthi sekhethe amalunga e-board yomsakazo weZBC ukuthi eqhubeke ngomsebenzi.

UShamu wazise lokhu ngoLwesihlanu, njalo uthethe lelinyathelo lanxa inhlanganiso ezizimeleyo kanye labeMDC besithi i-board le kumele idilizwe kukhethwe amalunga amatsha.
Ingxoxo LoMnu Dumisani Nkomo
Loading
12:00:00 / -:--:--
⎚

Umqondisi weMisa-Zimbabwe uMnu Nhlanhla Ngwenya usole kakhulu isenzo zikaShamu.
Ingxoxo LoMnu Nhlanhla Ngwenya
Loading
12:00:00 / -:--:--
⎚
This forum has been closed.
Umbono wakho
     
There are no comments in this forum. Be first and add one

Facebook