Kulesifundi seUniversity of Zimbabwe esimiswe phambi komthethwandaba kamantshi eHarare ngoLwesithathu sisetheswa icala lokucela izikhali zempi kuBaba Jukwa ukuze.
Isifundi lesi nguMnu Romeo Musemburi oleminyaka engamatshumi amabili yokuzalwa.
UMusemburi uxwayiswe ngumantshi ukuthi akhweze isicelo sakhe sokukhululwa ngesibambiso sebail emthethwandaba weHigh Court.
Umtshutshisi utshele umthethwandaba ukuthi uMusemburi walobela uBaba Jukwa incwadi yee-mail ecela izikhali zokulwisana lohulumende.
UMusemburi uqhubeka evalelwe njalo uba ngowesithathu ukubotshwa phezu kodaba lukaBaba Jukwa.
Abanye ngabathi umhleli weSunday Mail uMnu Edmund Kudzai lomnewabo uPhiilip, bona abetheswa icala lokubangela umvukela ngembiko ababeyiloba enkundleni yeFacebook benguBaba Jukwa.
Ababili laba baqhubeka bevalelwe. Isicelo sikaEdmund esebail sizahluzwa lidale leHigh Court ngoLwesine. IStudio Seven ixhume ingcwethi kwezombusazwe uMnu Nkululeko Sibanda.
