WASHINGTON DC — Isikhulumi senhloko kahulumende. uMnumzana Morgan Tsvangirai, uMnumzana Luke Tamborinyoka, owehlelwe yengozi yomgwaqo emadabuka kusa ngempelasonto ubikwa esengcono esibhedlela se Avenues Clinic eHarare njalo usekhitshwe impompi kade zimncedisa ukuphefumula.
UTamborinyoka, owake wasebenzela iphephandaba le The Daily News ulimele kakubi ekhanda wephuka imbambo lapho imota yakhe yohlobo lwe Toyota Prado ihle yadubuka ivili yagengquka kathathu. Abanye abakade besemoteni le babikwa bengalimalanga kakhulu.
Unobhala jikelele weMDC-T, kuhlangothi lwabatsha, uMnu. Promise Mkhwananzi utshele uChris Gande weStudio 7 ukuthi basabhekane lempilo ka Tamborinyoka andubana bekhangele imbangela yengozi le.