24.01.2013
<h1>Isikhundla Somsekeli Kamongameli Sidabula iZanu PF</h1><img src="http://www.voandebele.com/App_Themes/VOA_nd/img/colorLogo.gif"/>UMongameli Mugabe ukhangelelwe ukubiza umhlangano wesiphangiphangi wokudinga ozathatha isikhundla sikamsekeli wakhe esitshiywe ngumuyi uMnu. John Nkomo.<br /> <br /> Nxa kulandelwa izingqumo zeZanu PF umgcinisihlalo, uMnu. Simon Khaya Moyo, nguye omele athathe lesi sikhundla esisele singela muntu ngemva kokubhubha kukaNkomo ngeviki edluleyo koBulawayo ngesifo semvukuzane yompimbo.<br /> <br /> Kodwa kubikwa kulezinye iziphathamandla zebandla esezikhangele lesi sikhundla ngamehlo okhozi ezigoqela umphathintambo wezemigodi, uMnu. Obert Mpofu lomphathintambo wezenzakala elizweni, uMnu. Kembo Mohadi labanye.<br /> <br /> Sekulokhu kwasayinelwana isivumelwano somanyano weZanu PF le PF Zapu isikhundla sikamsekeli kamongameli siya kulabo ababeyinkokheli ye bandla le PF Zapu.<br /> <br /> Isikhulumeli seZanu PF, uMnu Rugare Gumbo utshele intathelizindaba eHarare ngolweSithathu ukuthi njengoba umhlangano omkhulu webandla lakhe uzakwenziwa ekupheleni komnyaka kuzamele uMugabe abize umhlangano wesiphangiphangi.<br /> <br /> Ingcwethi ecubungula ezombusazwe, uMnu. Brilliant Mhlanga, ofundisa ekolitshini le Westminster kwele Bhilitane utshele uChris Gande weStudio 7 ukuthi lanxa kumgceke ukuthi ngubani ozathatha lesi sikhundla iZANU PF ifuna ukwenza lokhu kungela kukhonona ngoba kungasensuku zatshwala ukuthi kwenziwe ukhetho.<br /> <br /> <div class="tag_image tag_audio_plain" contenteditable="false" mode="audio|plain|252393"> Inxoxo loMnu. Brilliant Mhlanga<img alt="" src="../../../img/spacer.gif" title="This is just placeholder, it will be replaced public site." /></div><link rel="canonical" href="http://www.voandebele.com/content/isikhundla-sikamsekeli-kamongameli-kuzanu-pf/1590388.html"/><meta name="syndication-source" content="http://www.voandebele.com/content/isikhundla-sikamsekeli-kamongameli-kuzanu-pf/1590388.html"/><img src="http://livetracker.voanews.eu/counter.lt?PageType=256&RecordId=1590388&SiteId=430&r=290393544&it=0&pd=20130124201544&url=ArticleID1590388" alt="" style="border:none;" height="1" width="1">
Copy to clipboard Close