Isiphathamandla sebandla le MDC-T, uMnu. Greeenwhich Ndanga, nogmunye wabantu abafe engozini yokudilika kwesakhiwo esihlala khona izethekeleli zesonto ye Synagogue Church of all Nations ekhokhelwa nguMporofitha, u TB Joshua kwele Nigeria.
Imuli ka Ndanga ithi imelele isidumbu sikamuyi obengusomabhizimusi kwele South Africa njalo engumgcinisihlalo wesigaba se Mashonaland West. Kubikwa kulabantu abangamatshumi ayithoba minwe mibili, 80, abafileyo engozini le eyenzakale ngoLwesihlanu ngeviki edluleyo. Abangamatshumi ayisithumba laskhombisa, 67, ngabavela kwele South Africa.
Umongameli wele South Africa uMnu. Jacob Zuma usethumele amalunga ogatsha lwabahlenga ebawele yingozi ukuthi bayephathisa ukuhlenga abangaba bengcwatshwe yikudilika komdluli wesakhiwo lesi.
Umprofitha u TB Joshua uthi kwedlula indizamtshina phezu kwesakhiwo lesi singakadiliki okungaba lokweza ngokudilika kwesakhiwo lesi. Kodwa iziphathamdnal zakwele Nigeria zithi isakhiwo lesi sasimele singenzelwa sisiya phezulu okungaba kuyikho okwabangela lingozi.
Umphathintambo wezempilakahle, uMnu. David Parirenyatwa wazise kumaviki ambalwa ukuthi abantu bangayi kuMprofita Joshua ngoba ele Nigeria ngelinye lamazwe abheknae lodubo lwe Ebola. Kubikwa kulabantu abedlula amatshumi amabili abaya kwele Nigeria ngeviki
Sixoxe loMfundisi Anglistone Sibanda othi kuyamangalisa ukuthi abantu abanengi bayadinga amaporofitha phandle kwelizwe.
