amalinks wokungena

Breaking News

Izakhamizi Zemizini Emithathu yeHarare Ziba Leviki Ezintathu Zingelamanzi


Izakhamizi zemizini ye Ashdown Park, Bloomingdale le Msasa Park eHarare bathi kabajabuliswa yikungazihluphi kwekhansili yaleli dolobho ngodubo lwabo lokungatholi amanzi okwamaviki amathathu edluleyo.

Izakhamizi lezi zikhala ngokuthi lokhu kwenza impilo yabo ibe nzima njalo zesabela ukuqhamuka kwemikhuhlane njengoba izambuzi zingasebenzi ukuhambisa ingcekeza. Abemzini weBloomindale utshi bathi okudanisayo yikuthi ikhansili kayizihluphi ngokuchasisa okubangela ukuthi impompi zingaphumi amanzi okwamaviki amathathu edluleyo. Inengi labo bathi sebephila ngokuthola amanzi kweinye inkozo ezemzini weAshdown Park kodwa layo sisandelwa ngabantu abasilela khona.

UMeya wekhansili ye Harare, UMnu. Benard Manyenyeni, uthe ebuzwa wathi akazi ukuthi kungani kungela manzi emizini le yomithathu. Kodwa isikhulumi sekhansili umnumzana Michael Chideme, uthi ikhansili iphakathi kokulungisisa lolu dubo njalo bake basa amabowser amanzi okuyanceda izakhamizi ngakhoke ayisikho ukuthi kabenzu lutho ngalolu dubo njengokutsho kwabanye.

XS
SM
MD
LG