BULAWAYO —
Izakhamizi zeUmguza ziphose zabambana ngezandla ngemva kokuba ezinye zizame ukuphazamisa ukwabiwa kokudla zisithi kumele iMelika isuse izijeziso zenotho yelizwe, emkhosini ongenwe ngummeli weMelika eZimbabwe lapho abike ukuthi uhulumende wakhe uyaqhubeka esiza uzulu wakuleli oswela ukudla ngalesisikhathi sendlala.
Lokhu kuphose kwenzakala ngoLwesibili phakathi kwezakhamizi zika Ward 4 ebizilinde ukuzathola ukudla labasekeli bebandla leZanu PF bevela ku Ward 6 abathe bazokhankasela ukukhutshwa kwezijeziso zenotho yelizwe kummeli weMelika eZimbabwe, uMnumzana Bruce Wharton.
Umnumzana Wharton obevakatshele kulumango ukuyabona ukwabiwa kokudla okuthengwe ngemali evela eMelika kuUnited States Aid, zinhlanganiso zeWorld Food Programme le Hope for a Child in Christ, kakutshayanga indiva lokhu esithi yena uhamba ngodaba lokuqeda indlala njalo uzulu ulelungelo lokutsho imbono yakhe.
Ekhuluma lezakhamizi, uWharton uthi ilizwe lakhe yilo eliphathisa iZimbabwe ngemali yokuthola ukudla ukwedlula wonke amazwe emhlabeni.
Uthi kusukela ngomnyaka ka 2002, ilizwe lakhe seliphathise ngemali edlula i-$1 billion ekuqedeni indlala.
Ngalesisikhathi sendlala yalonyaka kuphela, uthi iMelika isilethe imali phose izigidi ezingamatshumi amathathu - $29million kunhlelo zokudla njalo bekhangelele ukuthi ezinye zalezinhlelo ziphathise uzulu ukuthi enelise ukuzisilela hatshi ukuhlala enikwa uncedo lokudla.
UNkosikazi Jennifer Sithole, ongumfelokazi, uthi uhlelo lolu lwe USAID olulethwa kibo yinhlanganiso ye WFP le HOCIC soluguqule impilo zabo ngendlela emangalisayo ngoba kungasisizo lolu bekuyaba lezidumbu phansi kusamelelwe ukuvuna lonyaka.
Abasekeli be Zanu PF akade bezotshengisela bebekhokhelwa nguMnumzana Robert Tshuma. UTshuma uthi bona abadingi ukuvala ukuthi abantu banikwe ukudla kodwa bafuna nje ukuthi iMelika isuse izijeziso zenotho athi yizo esezilethe ubuyanga lokuhlupheka elizweni.
Lanxa nje abasekeli bebandla leZanu PF bephose baphazamisa umhlangano lo, akusabanga njalo ngoba umsebenzi uqhutshiwe abasekeli laba bemile bucwadlana nje lamagwaliba abo amanye abebhalwe ukuthi Sanctions, Sanctions for what, amanye esithi Food Aid and No Sanctions, kungelamuntu obatshay’indiva umhlangano waze waphela.
Phezu kwemali iMelika eyipha iWFP, kulenye eziyigidi ezilitshumi -$100 million ezaphathisa uzulu njalo kunhlelo zokuzithuthukisa ezabiphethwe zinhlanganiso ezizimele zodwa ezigoqela iWorld Vision le Africare.
Lokhu kuphose kwenzakala ngoLwesibili phakathi kwezakhamizi zika Ward 4 ebizilinde ukuzathola ukudla labasekeli bebandla leZanu PF bevela ku Ward 6 abathe bazokhankasela ukukhutshwa kwezijeziso zenotho yelizwe kummeli weMelika eZimbabwe, uMnumzana Bruce Wharton.
Umnumzana Wharton obevakatshele kulumango ukuyabona ukwabiwa kokudla okuthengwe ngemali evela eMelika kuUnited States Aid, zinhlanganiso zeWorld Food Programme le Hope for a Child in Christ, kakutshayanga indiva lokhu esithi yena uhamba ngodaba lokuqeda indlala njalo uzulu ulelungelo lokutsho imbono yakhe.
Ekhuluma lezakhamizi, uWharton uthi ilizwe lakhe yilo eliphathisa iZimbabwe ngemali yokuthola ukudla ukwedlula wonke amazwe emhlabeni.
Uthi kusukela ngomnyaka ka 2002, ilizwe lakhe seliphathise ngemali edlula i-$1 billion ekuqedeni indlala.
Ngalesisikhathi sendlala yalonyaka kuphela, uthi iMelika isilethe imali phose izigidi ezingamatshumi amathathu - $29million kunhlelo zokudla njalo bekhangelele ukuthi ezinye zalezinhlelo ziphathise uzulu ukuthi enelise ukuzisilela hatshi ukuhlala enikwa uncedo lokudla.
UNkosikazi Jennifer Sithole, ongumfelokazi, uthi uhlelo lolu lwe USAID olulethwa kibo yinhlanganiso ye WFP le HOCIC soluguqule impilo zabo ngendlela emangalisayo ngoba kungasisizo lolu bekuyaba lezidumbu phansi kusamelelwe ukuvuna lonyaka.
Abasekeli be Zanu PF akade bezotshengisela bebekhokhelwa nguMnumzana Robert Tshuma. UTshuma uthi bona abadingi ukuvala ukuthi abantu banikwe ukudla kodwa bafuna nje ukuthi iMelika isuse izijeziso zenotho athi yizo esezilethe ubuyanga lokuhlupheka elizweni.
Lanxa nje abasekeli bebandla leZanu PF bephose baphazamisa umhlangano lo, akusabanga njalo ngoba umsebenzi uqhutshiwe abasekeli laba bemile bucwadlana nje lamagwaliba abo amanye abebhalwe ukuthi Sanctions, Sanctions for what, amanye esithi Food Aid and No Sanctions, kungelamuntu obatshay’indiva umhlangano waze waphela.
Phezu kwemali iMelika eyipha iWFP, kulenye eziyigidi ezilitshumi -$100 million ezaphathisa uzulu njalo kunhlelo zokuzithuthukisa ezabiphethwe zinhlanganiso ezizimele zodwa ezigoqela iWorld Vision le Africare.