WASHINGTON DC —
Umahluli wedale le High Court ko Bulawayo namhla ulahlele khatshana icala lezakhamuzi ze Kezi ezilitshumi lambili ebezisetheswa icala lokuthumba isisebenzi sikaMnu. Rodney Mashingaidze owayesethethe ipulazi le Maleme.
UMashingaidze wayethethe lelipulazi elilesikolo, isonto kunye lendlu zokuphumulela kodwa umsekeli kamongameli, uMnu. Phelekezela Mphoko wathi akwenzi ukuthi uMashingazide athathe lelipulazi.
UMahluli, uNkosikazi Nokuthula Moyo ulahle lelicala ngemva kokuba isisebenzi sika Mashingaidze sehluleke ukuqamba onguye athi wamthumba.
UChris Gande weStudio Seven uxoxe legqwetha lezakhamizi lezi, uMnu. Tanaka Muganyi ochasise ngokwenzakale emthethwandaba ngoLwesine.