Inhlanganiso yezisebenzi, iZCTU, ithi izacela umthethwandaba ngoLwesithathu ukuthi wenqabele amapholisa engaze avimba ukutshengisela ekuqoqayo phezu kokuxotshwa mahlayana kwezisebenzi ngabaqatshi.
IZCTU ibilohlelo lokutshengisela endaweni ezitshiyeneyo zelizwe ngoMgqobelo, kodwa eHarare amapholisa aluvimbile njalo ahlukumeza iziphathamandla zayo.
Kwamanye amadolobho afana leMasvingo, koBulawayo, eGweru leMutare iziphathamandla zalinhlanganiso zithi kuphumelele ukutshengisela kwazo.
Iziphathamandla ezihlukuluziweyo eHarare zigoqela unobhala jikelele weZCTU uMnu Japhet Moyo lesiphathamandla sePTUZ uMnu Raymond Majongwe yena othi utshayiwe wavuvuka umlomo lonyawo.
UMoyo uthi ukuhlukuluzwa lokhu akusoze kubethuse; bazaqhubeka belwema amalungelo ezisebenzi njalo bekhuthaza uhulumende ukuthi amise ukuxotshwa mahlayana kwezisebenzi.
