Inhlanganiso yezisbenzi, i Zimbabwe Congress of Trade Unions ithi iyakhulumisana lamalunga ayo ngodaba lokumanyna lebandla le MDC-T ekutshengiseleni phezu kokonakala komumo wezomnotho welizwe.
Kuthi inhlanganiso yezaikhamizi ze Harare, iCombined Harare Residents’ Association ehlala itshengisela phezu kodaba lomsebenzi wekhansili ithi layo izaqhubeka itshengisela kodwa kayisoze ibambane leMDC-T ngoba amalunga ayo evele kumabandla atshiyeneyo.
Ibandla leMDC-T lazise ngeviki edluleyo ukuthi inkokheli yalo ebalisi uMnu. Morgan Tsvangirai, izabambana lamalunga ekutshengiseleni ikhutahaza uhulumende ukuthi afeze izithembiso zakhe azenza phambilini kokhetho ezokuthuthukisa umnotho welizwe.
Sixoxe lomkhokheli wenhlanganiso ye ZCTU, uMnu. George Nkiwane othi sebebhodabhode endzweni zelizwe ezitshiyeneyo.
UMnu. George Nkiwane ngumongameli wenhlanganiso ye Zimbabwe Congress of Trade Unions.
Siphinde saxoxa lesikhulumeli senhlanganiso yezakhamizi ze Harare, iCombined Harare residents’ Association, uMnu. Mfundo Mlilo.