Lanxa kwele Zimbabwe kungakatholakali umuntu olomkhuhlane we Ebola izethekeleli zibikwa sezisesaba ukuza elizweni.
Okhokhela ugatsha lezokwethekelwa kwelizwe, iZimbabwe Tourism Authority, uMnu. Karikoga Kaseke utshel intathelizindaba izolo eHarare ukuthi kulezethekeleli ezingamatshumi amathathu ezithe kaziseyi kubakhona emhlanganweni wezokwethekelelana, owe Sanganai/ Hlanganani obusenzelwa edolobheni le Victoria Falls.
UKaseke utshele intathelizindaba ukuthi indlela elotshwa ngayo udaba lwe Ebola, olufana lolukantombazana we DRC owayecatsngelwa ukuthi ulomkhuhlane lo yena ele Malaria, kubangela ukuthi izethekeleli zingalugxobi elizweni.
Lokhu kubangele njalo ukuthi ilizwe lilahlekelwe zinkulungwane eziyisithupha zamadollar-$6 million. Umkhuhlane we Ebola welapheka nzima njalo usabalala kalula njalo usubulele abantu abafika inkulungwane eziphosa ukufika ezinhlanu, 5 000 ikakhulu emazweni angenyakatho kwezwekazi le Africa.
Ukuhlaziya loludaba sixoxe loMnu. Gift Mabhena, owake wamele isigaba seHwange East endawonye lengcwethi kwezempilakahle, uDokotela Trevor Moyo onguye osungula lingxoxo.
