Izifundi ekolitshini leUniversity of Zimbabwe zithi zifuna ukuba zibuyiselwe ithuba lokubhala njalo imihloliso kulabo abayabe besalele kancane ukuba bephumulele ezifundweni zabo ama Supplementary Examinations kulokubuyelela izifundo zabo ngokupheleleyo.
Izifundi kuleli kolitshi zithi ukususwa kwemihloliso ye Supplementary Examinations sokuziphuzisa ukugqiba izifundo ngasikhathi sinye kuzingenisa enkingeni yokubuyisela muva ituthuko yazo ngesikhathi impilo inzima kangaka elizweni.
Umnumzana Thomas Gamure yisifundi seUniversity of Zimbabwe. UGamure uthi kayibuyiselwe imihloliso le.
Umnumzana Trust Nhubu oqhuba izifundo zaphezulu kuleli kolitshi zobumanjinela uthi ama Supplementary Examinations avele eqakathekile okokuthi ukususwa kwawo kuphazamisa amalungelo losekelo lwezifundi kuzifundo zazo. Uthi osokusenzakala kuleli kolitshi sokungabangela ukuba lumkhuba ucine usufika njalo lakumanye amakolitshi ama university kuleli ethi okuqakathekileyo yikuba kube lokukhulumisana lokuvumelana phakathi kwezifundi lama kolitshi lokhu kungakenziwa:
Inkokheli zezifundi zithi zifuna ukuhlangana logatsha lwezemfundo yaphezulu ngodaba lwendlela lelikolitshi elisebenza ngayo lisenza santando.
Iziphathamandla ze Kolitshi ezingafunanga ukuveza amabizo azo kulumsakazo zithi lelinyathelo lijonge ukukhuthaza izifundi ukuba ziqakathekise izifundo zazo kulokukhangelela ukuhlala zinikezwa amathuba.