amalinks wokungena

Breaking News

Izikolo Zivulwa Abazali Bekhala Ngemali Lababalisi Bekhalala Umsebenzi


Inhlanganiso emela ababalisi, iProgressive Teachers Union of Zimbabwe (PTUZ) isikhuthaze ababalisi ukuthi bakhalale umsebenzi ekuvulweni kwezikolo ngoLwesibili phezu kodaba lweholo kanye lama-bonus.

Ngakolunye uhlangothi, abazali labo bakhala ngemali yama-school fees besithi inengi labo kalisebenzi kanti njalo lomnotho lawo uqhubeka ubhidlika ngamandla.

Isiphathamandla sePTUZ uMnu Enoch Paradzai utshele iStudio 7 ukuthi ababalisi bazahamba ezikolo kodwa kabasoze bafundise.

"Sithi bonke ababalisi kusasa kumele babambane baye ku go-slow," kutsho uMnu Paradzai.

"Kulendaba yama-bonus , uhulumende kakasitsheli ukuthi imali yethu yama-bonus uzasipha yona nini.

"Enye yindaba yama-deductions. Uhulumende wasithathela imali engazange akhulumisane lathi. Imali esiyiholayo ayikwani, sifuna ukukhwezelwa iholo," uqhubeke echasisa uMnu Paradzai.

please wait

No media source currently available

0:00 0:01:47 0:00
Lapho esitholakala khona

Kunjalo nje abazali abanengi bathi lonyaka abantwababo kabasoze benelise ukuya esikolo ngoba kabalamali. Isakhamuzi seVictoria Falls uMnu Given Moyo ngomunye wabazali laba.

"Angazi ukuthi ngithini ngoba vele ngilezikwelede zesikolo ezindala ezingibelethe emuva," kuchaze uMnu Moyo, yena olabantwana ababili abasePrimary School loyedwa oseSecondary.

"Ekuvalweni kwezikolo sathenjiswa ukuthunyelwa ama-debt collectors, manye kathesi ngitshaywa likhanda angazi ukuthi ngibambe ngaphi."

please wait

No media source currently available

0:00 0:02:22 0:00
Lapho esitholakala khona
XS
SM
MD
LG