Izikolo zivuliwe ngoLwesibili abazali bekhala ngemali yamaSchool fees njalo inhlanganiso zabontanga zikhuthaza uhulumende ukuthi elungisise konke okuhluphayo kwezemfundo.
Umzali uNkosikazi Sibonile Mahlangu, olomntwana osePrimary, utshele iStudio 7 ukuthi lanxa esebenza, iholo lakhekaleneli ukuthi ahlawulele zonke indleko zakhe kanye lomntwana esikolo.
UNkosikazi Mahlangu uthi lapho okufunda khona ingane yakhe abazali batshelwe ukuthi kumele babe sebebhadele amaschool fees; ngaphendle kwalokho abantwababo bazaxotshwa esikolo.
Omunye njalo umzali ohlala eHarare uMnu David Ncube laye utshele lumsakazo ukuthi kenelisi ukubhadalela umntanakhe esikolo.
Kunjalo nje inhlanganiso zabasakhulayo zithi uhulumende alungisise konke okuhluphayo kwezemfundo ukuze abantwana bathole imfundo elohlonzi njalo baphumelele ezifundweni zabo.
Inhlanganiso lezi, ezigoqela eyeGirls Legacy zithi udubo olukhulu yikuswelakala kwengwalo ezaneleyo ezikolo.
Zithi njalo ukubhidlika komnotho sokusenza abazali abanengi behluleke ukubhadalela abantwababo esikolo.