Saturday, May 25, 2013 Local time: 09:28
Audio menu
Audio  Inhlelo
Audio Studio 7 for Zimbabwe
Audio Nhau dzeShona

Indaba / Ezombusazwe

Izikolo Zixotsha Abafundi Abangabhadalanga AmaFees

TEXT SIZE - +
Mzenzi Tshabangu

12.09.2012

BULAWAYO — Izikolo ezinengi elizweni lonke zibikwa zixotshe abafundi abangabhadalanga ama-school fees ekuvulweni kwazo ngoLwesibili.

Abaphathizikolo bathi abasoze bavumele abantwana abangahlawulanga limali ngokugcweleyo lanxa uhulumende esithi akulamntwana omele axotshwe phezu kodaba lwenhlawulo.

Abantwana abavela endawein eziphandle kwakoBulawayo basele bethithibele ngemva kokuba bevinjwe ngababalisi ukuthi bangene emabhasini ezikolo besithi kababuyele emakhaya bayethatha imali.

Abazali kanye lenhlanganiso yababalisi, iProgressive Teachers Union of Zimbabwe (PTUZ), sebesole kakhuklu isehlakaloo lesi. Obona ngokuqoqwa kwenhlelo zePTUZ eMandebeleni uMnu Vusumuzi Mahlangu uthe akulamntwana omele axotshwe esikolo.
Udaba Lusethulwa NguMzenzi Tshabangu
Loading
12:00:00 / -:--:--
⎚


Amazwi la agcizelelwe ngumkhokheli wenhlanganiso yezakhamizi zakoBulawayo, iBulawayo Progressive Residents Association, uMnu Rodrick Fayayo.

Kunjalonje, inhlanganiso emela izisebenzi zikahulumende, iApex Council, ithi ilokudana okukhulu ngokwehluleka kukahulumende ukukhweza iholo lezisebenzi zakhe.

Iziphathamandla zalinhlanganiso zithi zikhulumisane lomphathintambo obona ngezezisebenzi zikahulumende uNkosikazi Lucia Matibenga ngoLwesithathu ngodaba lolu.

Kodwa zithi uMatibenga uthe uzakhulumisana lezinye iziphathamandla zikahulumende kuqala. Umphathintambo wezemali uMnu Tendai Biti uthi akulamali yokwengezelela iholo lezisebenzi kanye leyama bonus.

Lokhu yinto edanise izisebenzi ezinengi njalo iPTUZ ithi kungafika mhlaka 5 ngenyanga ezayo udaba lweholo lungakalungisiswa, amalunga ayo azakhalala umsebenzi ngokugcweleyo.

Okwamanje linhlanganiso ithi amalunga ayo ayasebenza kodwa kafundisi ngokupheleleyo.

Sixhume umbalisi weJoshua Mqabuko Nkomo Polytechnic eGwanda uMnu Jaston Mazhale yena othi uhulumende kumele alungisise udaba lweholo lezisebenzi, ikakhulu ababalisi ngoba beyinsika yelizwe.
Ingxoxo LoMnu Jaston Mazhale
Loading
12:00:00 / -:--:--
⎚

Facebook