Amazwe womhlaba ananze ilanga lababalisi eleWorld Teachers Day lonyaka ngesikhathi inhlanganiso yomanyano wamazwe womhlaba eyeUnited Nations ikhuthaza ukuthi kuvuselelwe imfundo ukwenzela ukuthi ibelohlonzi kufika umnyaka ka2030.
Isihloko sokunanza ilanga leli lonyaka esithi “Empowering teachers, building sustainable societies”, sikhuthaza ukulolwa kwababalisi okuzakwenza ukuthi uzulu laye athuthuke.
Ukuthuthukisa imfundo ingesinye sezinqumo ezikhuthazwa yiUN ezama Sustainable Development Goals okumele zifezeke lapho kufika umnyaka ka2030.
Ababalisi bananza ilanga leli okusemthethweni leziphathamandla zikahulumende ngeviki ezayo.
UMnu. Sifiso Ndlovu umqondisi weZimbabwe Teachers Association othe kumele iZimbabwe izame ngamandla wonke ukuthi ibe lababalisi abafunde kakhulu ukuze iyenelise ukuqhuba uhlelo lwezemfundo njengalokho okufunwa yiUN.
Uthe okuhlupha ababalisi khonamanje ngezombusazwe njengoba bajayele ukukhahlamezwa ngababusayo eZimbabwe.
