Amagqwetha amela izakhamizi ze Chitungwiza le Epworth namuhla akhwezwe udaba lokudilizwa kwezindlu zemizi le emthethwandaba ukuthi umise loluhlelo.
Izisebenzi zikamanisipala wemuzi we Chitungwiza aqale ukudiliza izindlu ngoLweisihlanu emadabuka kusa zaqhubekela phambili ngempelaviki lanamuhla. Kubikwa kulimele abanye abantu e Epworth kudilizwa izindlu zabo.
Umphathintambo wezabelo, uMnu. Ignatius Chombo uthi izindlu lezi zizadilizwa ngoba zingakhiwanga okusemthethweni njalo kasoze avumele umthethwandaba usipha isingqumo sokumisa ukudiliza lokhu.
Sixoxe lesikhulumeli senhlanganiso elwela ilungelo lezakhamizi eye, Combined Harare residents’ Association, uMnu. Mfundo Mlilo, othi izakhamizi zeHarare lazo sezicetshisiwe ukuthi zisuke ezindlini ezakhiwa ngaphandle komthetho.
