Iziphathamandla zogatsha lwezokulima zitshele idale lephalamende ngoMvulo ukuthi kazilalwazi ngamagama abantu abakwelediswa imali lezinto zokulimisa nguhulumende. Iziphathamandla lezi, ebezikhokhelwa nguMnu. Ringison Chitsiko, unobhala wogatsha lolu bezibizwe ukuzochasisa ngodaba lolu kulandela ukwethulwa kwendleko zikahulumende nguComptroller and Auditor General.
Umqondisi wezemali kugatsha lwezokulima, uMnu. Kudakwashe Zata utshele idale ukuthi kulenhlelo ezifana lo Operation Maguta ezizimeleyo njalo zizidengela izikwelede zodwa. Uhlelo luka Maguta lulesikwelede esedlula izigidi ezine, i$4 million esekumele sibhadalwe lugatsha lwezokulima.
UChitsiko uthembise ukuphathisa lolugatsha kodwa wathi kuzakubanzima ukuthola ubufakazi ebhanga le Reserve Bank of Zimbabwe.
Amalunga edale lephalamende avela kunxa zonke zamabandla atshengise ukukhathazeka ngokungatholakali kobufakazi lobu.
Ugatsha lwezokulima luphiwe iviki eyodwa ukuthi lubuthanise ubufakazi bonke obufunekayo okuzahlaziywa ngeviki ezayo. UChris Gande weStudio 7 uxoxe lengcwethi kwezenotho, uMnu. Rejoice Ngwenya othi kuzakubanzima ukuthi lobubufakazi butholakale.
Umqondisi wezemali kugatsha lwezokulima, uMnu. Kudakwashe Zata utshele idale ukuthi kulenhlelo ezifana lo Operation Maguta ezizimeleyo njalo zizidengela izikwelede zodwa. Uhlelo luka Maguta lulesikwelede esedlula izigidi ezine, i$4 million esekumele sibhadalwe lugatsha lwezokulima.
UChitsiko uthembise ukuphathisa lolugatsha kodwa wathi kuzakubanzima ukuthola ubufakazi ebhanga le Reserve Bank of Zimbabwe.
Amalunga edale lephalamende avela kunxa zonke zamabandla atshengise ukukhathazeka ngokungatholakali kobufakazi lobu.
Ugatsha lwezokulima luphiwe iviki eyodwa ukuthi lubuthanise ubufakazi bonke obufunekayo okuzahlaziywa ngeviki ezayo. UChris Gande weStudio 7 uxoxe lengcwethi kwezenotho, uMnu. Rejoice Ngwenya othi kuzakubanzima ukuthi lobubufakazi butholakale.
