amalinks wokungena

Breaking News

Izisebenzi zeZIMSEC Zikhala Ngemali yeHousing Allowance Ephansi


Izisebenzi zohlangothi lukahulumende olubona ngemihloliso olwe ZIMSEC ziyakhonona ngemali eziyitholayo yokuhlawulela indawo yokuhlala eye housing allowance zisithi ayiseneli ukuba izitholise indawo ezilohlonzi zokuhlala.

Omela izisebenzi kunhlanganiso yabasebenzela emakolitshini amakhulu uMnumzana Mathias Guchutu uthi umhlangano abawenze kuthange izisebenzi ziveze ukukhonona okukhulu zisithi zithola amadollar angamatshumi amathathu kuphela yokuphathisa ukubhadalela izindlu ngenyanga osokuyinto enzima ukuba bethole izindlu zokulodger ngitsho lasemizini efana leEpworth ekhanya iyiyo elokhe ilembadalo ephansi. Ngakhoke uthi sebetshaya ukhwelo kuhulumende ukuba ethathe amanyathelo izinto zingakaphazamisi umsebenzi wemihloliso elizweni.

Umnumzana Masimba Kuchera ocubungula ngezombusazwe uthi lezi zisebenzi ziqakathekile kakhulu njalo kaphange uhulumende ukuphathisa noma engaboni lokhu kungenza ukuba zikhalale umsebenzi okwamanje.

Uthi lezi zisebenzi kunye lababalisi ziqube umsebenzi wazo kakuhle kakhulu impumela yama grade seven lama Alevel yaphuma kakuhle lonyaka kungela nkinga eyinto okumele batshayelwe ihlombe bekhuthazwe ukuqubekela phambili besebenza kanjalo.

UGuchutu uthi imali le yenza ukuba lezi zisebenzi zihlale endaweni ezicina zibenza ukuba babhekane lokuhugwa ezintweni ezitshiyeneyo okuyinto engalungelanga ugatsha olubhekane lomsebenzi oqakatheke kanganga empilweni yezifundi labazali ngoba leyo mali ingeneli ngitsho lakancane njalo ezakwenza kube liphupho nje ukuthi bazafa bathenga ezabo izindlu empilweni yabo ngeholo.

XS
SM
MD
LG