amalinks wokungena

Breaking News

Izisebenzi zeBulawayo Agenda Zifunyanwa Zimsulwa


Izisebenzi zenhlanganiso yeBulawayo Agenda ebezisetheswa icala lokwenza umhlangano eVictoria Falls zingacelanga imvumo emapholiseni zifunyanwe ngumthethwandaba zimsulwa ngoLwesine.

Izisebenzi lezi nguNkosazana Ntombiyezansi Thozana, uMnu Butholezwe Nyathi, uMmeli Dube, kanye loThulani Moyo.

Abane laba babotshwe ngoNhlangula ngemva kokuqhuba umhlangano lezakhamizi zeKachechete Ward eFolosi bekhuluma ngendaba eziphathelane lenhlalakale kazulu.

Kodwa ngemva kokuthoniswa kwalelicala umantshi uNkosikazi Sharon Rosemani uthe abasolwa laba babengakhulumi ngendaba zombusazwe, ngalokho akulacala abalidalayo.

Bebesetheswa icala leli phansi komthetho osolwa ngabanengi owePublic Order and Security Act (POSA), wona obamba ngamandla wonke abezombusazwe ukuthi bacele imvumo emapholiseni nxa befuna ukwenza imihlangano.

Sixhume uMnu Nyathi ngemva kokukhululwa kwabo. UNyathi utshele lumsakazo ukuthi bajabule kakhulu ngokufunyanwa bemsulwa.

XS
SM
MD
LG