amalinks wokungena

Breaking News

Izisebenzi Zikamanisipala weGwanda Zibuyela Emsebenzini


Gwanda
Gwanda

Izisebenzi zikhangelelwe ukubuyela emsebenzini ngoLwesithathu ngoba sezivumelene lomqhatshi wazo ngendlela iholo lazo elizahlawulwa ngayo.

Izisebenzi zika manisipala weGwanda ezikhalele umsebenzi ngoMvulo zisithi zifuna ukubhadalwa iholo lazo elenyanga ezintathu ezedluleyo zikhangelelwe ukubuyela emsebenzini ngoLwesithathu ngoba sezivumelane lomqhatshi wazo ngendlela iholo lazo elizahlawulwa ngayo.

UMnu. Sipho Ndlovu. umgcinisihlalo wenhlanganiso elwela amalungelo ezisebenzi eyohlangothi lweGwanda kuZimbabwe Urban Councils Association Workers’ Union, nguye obekhokhela ukuxoxisana phakathi kuka manisipala lezisebenzi.

UNdlovu utshele uSithandekile Mhlanga weStudio 7 ukuthi kuvunyelwene ukuthi izisebenzi zizabe zithola iholo eliphezudlwana nyangazonke kuze kuyefika inyanga ka Ncwabakazi ngoba liyabe lengezelelwe ngesilinganiso sengxenye yalo ngendlela yokuqeda lesisikwelede.
please wait

No media source currently available

0:00 0:02:17 0:00
Lapho esitholakala khona
XS
SM
MD
LG