BULAWAYO —
Izulu eliqhubeka lisina seliveze ukuthi izakhiwo zikazulu ezinengi kazimiswanga ngendlela ngoba zisengozini yokukhukhulwa ngamanzi ngoba ziseduzane lezifula esezigcwala ngenxa yalelizulu elinengi elingajayelekanga ikakhulu emkhonweni wangezansi kwelizwe ezigabeni zeMandebeleni leNkabazwe.
Izulu likazamcolo elina endaweni ezinengi zelizwe selilethe ingozi lokwesaba ukuthi lilakho ukukhukhula izindlu kanye lezikolo ezisendaweni eziphansi.
Okwakhathesi izulu leli selidale umonakalo ezikolo ezigoqela i- Eastview esiseMahatshula koBulawayo lapho eliwise imiduli kwathi eLotshe le Lobengula izifula eziquma phakathi kwalezizikolo bezigcwele zidonsa izikhukhula.
Isikolo seCarmel sona sike savala okwamalanga ngenxa yamanzi avele kusifudlana se Matshamhlophe, esithele savala isikolo sonke kanye lezindlu zokufundela.
Ingcitshi ekuvikeleni uzulu zithi kuqakathekile ukuthi abantu bahlale beqaphiele ikakhulu endaweni okudlula khona izifula ukuthi aphange aye endaweni eziphezulu lapho izulu lisina.
Ikhansili yakoBulawayo ithi isicebise lezizikolo ukuthi zikhangele abantwana bangadlaleli ezifuleni lezi ezidlula phakathi kumbe eduzane lezikolo.
Umabhalane wekhansili yakoBulawayo uNkosikazi Sikhangele Zhou uthi ngemva kwempahla abayitholayo nyakenye eyezimota zokuphathisa abasengozini balakho ukuphathisa bonke abadinga usizo nxa kuthe kwadingakala.
Ingcwethi ekuvikeleni uzulu, uNkosikazi Joanne Maphosa uthi kuqakathekile ukuthi uzulu afundiswe indlela zokuziphatha nxa kuthe kwaba lezulu elinengi ikakhulu njengoba abomkhathi besithi kulokhu kusakhangelelwe ukuthi izulu line ngamandla.
Uthi kuqakathekile ukuthi amadolobho amancane angela mpahla yokusiza uzulu lapho ethe wehlelwa ngumonakalo kumele anike izakhamizi imfundiso ezenqabela ingozi zamanzi.
UMaphosa uqhubeke esithi uzulu kumele akhangele abantwana ikakhulu labo okumele bachaphe izifula ngoba inengi lilakho ukungena emanzini lingagqize qhakala ukuthi lingehlelwa yingozi.
Kubikwa kulemota ezimbili ezithethwe ngamanzi emgwaqweni oya eKhami ngeviki ephelileyo lanxa nje kungela olimeleyo kuthi emangweni weMasvingo kudingakale indizamtshina ukuzahlenga akade sebevalelwe ngamanzi baphephela ezihlahleni bengela ndlela yokuchapha. Kuthi ngale ngasemzini weOld Pumula kulezindlu eseziwile ngenxa yalo lelizulu.
Izulu likazamcolo elina endaweni ezinengi zelizwe selilethe ingozi lokwesaba ukuthi lilakho ukukhukhula izindlu kanye lezikolo ezisendaweni eziphansi.
Okwakhathesi izulu leli selidale umonakalo ezikolo ezigoqela i- Eastview esiseMahatshula koBulawayo lapho eliwise imiduli kwathi eLotshe le Lobengula izifula eziquma phakathi kwalezizikolo bezigcwele zidonsa izikhukhula.
Isikolo seCarmel sona sike savala okwamalanga ngenxa yamanzi avele kusifudlana se Matshamhlophe, esithele savala isikolo sonke kanye lezindlu zokufundela.
Ingcitshi ekuvikeleni uzulu zithi kuqakathekile ukuthi abantu bahlale beqaphiele ikakhulu endaweni okudlula khona izifula ukuthi aphange aye endaweni eziphezulu lapho izulu lisina.
Ikhansili yakoBulawayo ithi isicebise lezizikolo ukuthi zikhangele abantwana bangadlaleli ezifuleni lezi ezidlula phakathi kumbe eduzane lezikolo.
Umabhalane wekhansili yakoBulawayo uNkosikazi Sikhangele Zhou uthi ngemva kwempahla abayitholayo nyakenye eyezimota zokuphathisa abasengozini balakho ukuphathisa bonke abadinga usizo nxa kuthe kwadingakala.
Ingcwethi ekuvikeleni uzulu, uNkosikazi Joanne Maphosa uthi kuqakathekile ukuthi uzulu afundiswe indlela zokuziphatha nxa kuthe kwaba lezulu elinengi ikakhulu njengoba abomkhathi besithi kulokhu kusakhangelelwe ukuthi izulu line ngamandla.
Uthi kuqakathekile ukuthi amadolobho amancane angela mpahla yokusiza uzulu lapho ethe wehlelwa ngumonakalo kumele anike izakhamizi imfundiso ezenqabela ingozi zamanzi.
UMaphosa uqhubeke esithi uzulu kumele akhangele abantwana ikakhulu labo okumele bachaphe izifula ngoba inengi lilakho ukungena emanzini lingagqize qhakala ukuthi lingehlelwa yingozi.
Kubikwa kulemota ezimbili ezithethwe ngamanzi emgwaqweni oya eKhami ngeviki ephelileyo lanxa nje kungela olimeleyo kuthi emangweni weMasvingo kudingakale indizamtshina ukuzahlenga akade sebevalelwe ngamanzi baphephela ezihlahleni bengela ndlela yokuchapha. Kuthi ngale ngasemzini weOld Pumula kulezindlu eseziwile ngenxa yalo lelizulu.