Ikolishi leLondon School of Economics ngoMvulo lilandule imbiko yokuthi uMongameli Mugabe wafunda kulesisikolo wathola isithupha seEconomics.
Imbiko le yethulwe ngumphathintambo obona ngokuthuthukiswa kwabensundu kwezenotho uMnu Patrick Zhuwao emhlanganweni obuseHarare ngoLwesihlanu.
“UMugabe uleMaster’s Degree kwezenotho ayithola esikolo seLondon School of Economics. Ngakho, lingacabangi ukuthi kukhona elingasifundisa khona ngezenotho,” kutsho uMnu Zhuwawo.
Kodwa embikweni walo, ikolotshi leLondon School of Economics likulandule lokhu lisithi uMugabe kazange afunde kulesi sikolo njalo akula sithupha elake lamupha sona.
“Sikhangelile kuhle emaphepheni ethu asizange sithole imbiko eveza ukuthi uMugabe wafunda lapha. Ngalokho, akula sithupha semfundo esake samupha sona,” kutsho lesi sikolo.
Imbiko esebulenjini iveza ukuba uMugabe wafunda wathola isithupha kwezenotho ekolitshini leUniversity of London, hatshi iLondon School of Economics.
Imizamo yokukhuluma loMnu Zhuwawo ngaloludaba yehlule.