Ukwethekelela kwequla labosomabhizimusi bakweleBhilithani, eZimbabwe lokuphiwa imali kwelizwe yinhlanganiso ephathisa amazwe womhlaba ngemali eye IMF ngeviki edluleyo sekuphe ithemba ilizwe ukuthi mazwe angentshonalanga angabe eseyekethisa inhliziyo ekuphathiseni ilizwe.
EleZimbabwe liphakathi kodubo lokungahambi kahle kwezomnotho ngenxa yokungabi lobudlelwano obuhle lamazwe angentshonalanga ethesa uhulumende icala lokungethembeki lokuphatha uzulu ngocuku.
Ingcwethi kwezomnotho welizwe ziyavumelana ukuthi ubudlelwano beZimbabwe lamazwe angentshonalanga obungamnga kuhle yiyo imbangela enkulu yokungathuthuki komnotho welizwe.
UChris Gande weStudio Seven uxoxe lengcwethi ecubungula ezombusazwe, uMnu. George Mkhwananzi ukuze sizwe imbono yakhe ngaloludaba.
