24.01.2013
<h1>Kambe Isisekelo Sombuso Sizaphumelela Yini?</h1><img src="http://www.voandebele.com/App_Themes/VOA_nd/img/colorLogo.gif"/>Idale leZanu PF politburo selinqume ukuthi ibandla leli liyasekela ngokugcweleyo isisekelo sombuso esitsha.<br /> <br /> Umkhokheli walelibandla uMongameli robert Mugabe labakhokheli bamacele eMDC abathi uMnu Morgan Tsvangirai loMnu Welshman Ncube bavumelene kukho konke obekuhlupha kusisekelo lesi ngeviki edluleyo.<br /> <br /> Ekhuluma eseDavos, kwele Switzerland ngoLwesithathu, uMnu Tsvangirai uveze ukuba ilizwe selikhangelele ukuya kukhetho lweReferendum ngoMbimbitho uzulu atsho ukuthi uyasamukela isisekelo lesi kumbe hatshi.<br /> <br /> Umbuzo osemlonyeni yabanengi ngothi kambe uhulumende uzakwenelisa na kusikhatshana esiseleyo ukufundisa uzulu ngokumunyethwe yisisekelo lesi.<br /> <br /> Ukuhlaziya loludaba uNtungamili Nkomo weStudio 7 uxhume isiphathamandala seNational Constitutional Assembly uMnu Alois Dzvairo lesiphathamandla seMDC kaNcube uMnu Qhubani Moyo.<br /> <br /> UDzvairo uthi inhlanganiso yakhe siqalisile ukukhuthaza uzulu ukuthi angemukeli isisekelo lesi, kodwa uMoyo uthi isisekelo lesi sihle njalo uzulu kumele asemukele.<br /> <br /> <div class="tag_image tag_audio_plain" contenteditable="false" mode="audio|plain|252384"> Ingxoxo LoMnu Alois Dzvairo LoMnu Qhubani Moyo<img alt="" src="../../../img/spacer.gif" title="This is just placeholder, it will be replaced public site." /></div><link rel="canonical" href="http://www.voandebele.com/content/kambe-isisekelo-sombuso-sizaphumelela-yini/1590318.html"/><meta name="syndication-source" content="http://www.voandebele.com/content/kambe-isisekelo-sombuso-sizaphumelela-yini/1590318.html"/><img src="http://livetracker.voanews.eu/counter.lt?PageType=256&RecordId=1590318&SiteId=430&r=1431219730&it=0&pd=20130124190115&url=ArticleID1590318" alt="" style="border:none;" height="1" width="1">
Copy to clipboard Close