Friday, April 25, 2014 Local time: 07:33

Indaba / Ezombusazwe

Kambe Isisekelo Sombuso Sizaphumelela Yini?

x
TEXT SIZE - +
Ntungamili Nkomo
— Idale leZanu PF politburo selinqume ukuthi ibandla leli liyasekela ngokugcweleyo isisekelo sombuso esitsha.

Umkhokheli walelibandla uMongameli robert Mugabe labakhokheli bamacele eMDC abathi uMnu Morgan Tsvangirai loMnu Welshman Ncube bavumelene kukho konke obekuhlupha kusisekelo lesi ngeviki edluleyo.

Ekhuluma eseDavos, kwele Switzerland ngoLwesithathu, uMnu Tsvangirai uveze ukuba ilizwe selikhangelele ukuya kukhetho lweReferendum ngoMbimbitho uzulu atsho ukuthi uyasamukela isisekelo lesi kumbe hatshi.

Umbuzo osemlonyeni yabanengi ngothi kambe uhulumende uzakwenelisa na kusikhatshana esiseleyo ukufundisa uzulu ngokumunyethwe yisisekelo lesi.

Ukuhlaziya loludaba uNtungamili Nkomo weStudio 7 uxhume isiphathamandala seNational Constitutional Assembly uMnu Alois Dzvairo lesiphathamandla seMDC kaNcube uMnu Qhubani Moyo.

UDzvairo uthi inhlanganiso yakhe siqalisile ukukhuthaza uzulu ukuthi angemukeli isisekelo lesi, kodwa uMoyo uthi isisekelo lesi sihle njalo uzulu kumele asemukele.

Ingxoxo LoMnu Alois Dzvairo LoMnu Qhubani Moyo
Ingxoxo LoMnu Alois Dzvairo LoMnu Qhubani Moyoi
|| 0:00:00
...
 
🔇
X
This forum has been closed.
Umbono wakho
     
There are no comments in this forum. Be first and add one