amalinks wokungena

Breaking News

Kambe Umbukiso weZITF Uletheleni Ilizwe Kanye Ledolobho LakoBulawayo?


zitf
zitf

Umongameli Robert Mugabe uthe i-Z-I-T-F inceda kakhulu ababalimi beMatabeleland ukubukisa inkomo zabo kuwo njengoba bengenelisi ukuzisa kowe Harare Agricultural Show.

Inengi labantu edolobheni lakoBulawayo lithi umbukiso weZimbabwe International Trade Fair ogqitshwe ngempelaviki awuthuthukisanga amabhizimusi abantu makhaza kulelidolobho lezigabeni zeMatabeleland njengalokhu obekukhangelelwe ngoba kube lezethekeli ezinlutshwana, njalo lohulumende wangenela kakhulu ekuqoqweni kwawo.

Kodwa evula lumbukiso ngokusemthethweni, umongameli Robert Mugabe uthe I-Z-I-T-F inceda kakhulu ababalimi beMatabeleland ukubukisa inkomo zabo kuwo njengoba bengenelisi ukuzisa kowe Harare Agricultural Show. Waphinda wamangala ngemigwaqo egugudekileyo kulelidolobho.

Kodwa ukhansila ka Ward 1 enkabeni yedolobho lakoBulawayo uMnu. Mlandu Ncube uthi kwabonakala ababegqoke impahla ezikhomba ukuthi basekela ibandla leZANU PF beqakazela owanqoba embukisweni wenkomo, okwenza inengi licabangele ukuthi lokhu kwavela kwaqoqwa umncintiswano ungakaqalisi.

Umbukiso lo ukhangelelwe ukukhanga osomabhizimusi lamanye amazwe ukuthi besungule inhlelo zabo elizweni kumbe bemanyane labeZimbabwe ekuqhubeni imisebenzi yabo.

UMnu. Ncube utshele uSithandekile Mhlanga weStudio 7 ukuthi amapholisa axotsha abathengisa emigwaqweni ama vendors ngemva kwalumbukiso ngendlela yokuthi idolobho likhanye lihlanzekile.
please wait

No media source currently available

0:00 0:02:23 0:00
Lapho esitholakala khona
XS
SM
MD
LG