Liviki kuhlelo lwethu Liphuma Lendaba Litshona Lendaba sixoxa ngodaba lobudlwangudlwangu osebuvame ukwenzakala ngesikhathi kudlala iqembu lenguqu ele Highlanders.
Lobu budlwangudlwangu buqhamuke njalo ngempelasonto edluleyo lapho iqembu leHighlanders elinqotshwe khona liqembu le Caps United emcintisweni wenkezo ye Bob91.
Ngeminyaka edluleyo iqembu leHighlanders like lahlawuliswa imali ngemva kokutholakala lilecala lokungakhuzi abasekeli balo. Kuthi ngomnyaka odluleyo ukhona umskeli we Highlanders osakhulayo owafayo ebulawa ngemva komdlalo.
UMuzi Hadebe ingcwethi ecubungula ezemidlalo, onguye esixoxa laye kuhlelo lwaliviki uthi inkinga ekhona yikuthi bengaba bekhona abalenjongo zabo ezingalini lokwenza leqembu le Highlanders kodwa ezombusazwe abangena enkundleni badale ubudlwangudlwangu lobu.
