WASHINGTON DC —
ObenguVice Chancellor wekolitshi le National University of Science and Technology, uProfessor Lindela Rowland Ndlovu akasekho. UNdlovu ubhubhele kwesinye isibhedlela sakoBulawayo ngoLwesithathu ekuseni. Ubikwa eqaleke wathwalelwa esibhedlela lapho afike waphelela khona.
UProfessor Ndlovu waba nguVice Chancellor wesibili lokhe iNUST yasungulwayo ngomyaka ka2005, ethatha isikhundla asitshiyelwa nguVice Chancellor Phineas Makhurane owakhokhela likolitshi isungulwa ngomnyaka ka1991.
Ubesehlale kulesi sikhundla okweminyaka elitshumi lapho esebhubha esededela osekhona okwamanje uProfessor Samson Sibanda laye othethe lesi sikhundla ngeviki edluleyo.