Amapholisa akwele South Africa namhla bangenele abantu esigabeni se Hillbrow lase Berea besithi badinga abantu abalezikhali ezingekho emthethweni baphinda babopha lalabo abangelamaphepha okuhlala lokusebenza okungekho emthethweni.
Lokhu kwenziwe ngekhefu lokunanza uzibuse walelolizwe. Ebulenjini bamapholisa eJohannesburg kulombiko othi kufe amapholisa amane ngeviki edluleyo ngesikhathi kubulawa lokutshaywa kwabokuza.
Kodwa ubulembu lobu abuvezanga ukuthi ukubulawa kwamapholisa lokhu kulokwenza lobudlwangudlwangu lobu.
Ngemva kokwethula amazwi okunanza ilanga likzibuse, uMongameli Jacob Zuma uthe ilizwe liphakathi kodubo olwenziwa ngabokuza esipha umzekeliso wokuthi isizalwane se Mozambique, uMnu. Emmanuel Sithole owabulawa yizizalwane ze South Africa esithi wayeselizweni okungekho emthethweni esebenzisa igama lamanga.
IStudio 7 ikhulume lomgcinisihlalo wenhlanganiso ye Zimbabwean Community in South Africa, uMnu. Nqabutho Nicholas Mabhena othi izizalwane ze Zimbabwe sezidlela evalweni kulandela ukubotshwa kwabantu laba.