amalinks wokungena

Breaking News

Kubotshwa Izakhamizi Phezu Kwepulazi leMaleme


Zimbabwe Police
Zimbabwe Police

Abavele emabandleni ezombusazwe lawezokholo atshiyeneyo kunye lenhlanganiso ezizimeleyo bamanyene emzini wenduna uMasuku ngeSonto besiyalalela udaba lwepulazi le Maleme elifuna ukuthathwa lipholisa lensitha, uMnu. Roderick Mashingaidze.

Lelipulazi beliphathisa izakhamizi ngezifuyo ezibalisa intshe, isonto, isikolo kunye lama hotela.

Umsekeli kamongameli uMnu. Phelekezela Mphoko kazange aze emhlanganweni lo okubangele ukuthi abanye basuke besiyangena epulazini ngamandla besipha izifuyo zabo esezathathwa ngu Mashingaidze ukudla.

Kodwa amapholisa ngoMvulo avuke ebopha abantu abangamatshumi amane.

Abantu laba bakhululwe ebusuku batshelwa ukuthi baye emthethwandaba kusasa ngemva kokwetheswa icala lokuthumba isisebenzi sika Mashingaidze.

Kodwa izakhamuzi lezi zithi zona yizo ezasa isisebenzi lesi ngemva kokusethesa icala lokutshontsha impahla epulazini leli ezibalisa amasola.

Isehlakalo sokuthathwa kwepulazi leli sisolwe kakhulu ngamabandla aphikisayo afana lele MDC elithi kuyamangalisa ukuthi uhulumende engabela ipulazi ebelisetshenziswa zimuli ezimbalwa emuntwini ongadabuki esabelweni lesi.

Ibandla leMDC lithi: “Siyamangala ukuthi uhulumende uhlezi esithi umhlabathi kumele usetshenziswe ukuze ungabelwa muntu kodwa nanku lumhlabathi ubusetshenziswa kuhle kodwa ipulazi lathunjwa njalo okucunulayo yikuthi liphiwe umuntu wokuza.”

Kuthi ibandla le MDC-T lona lihle lakhuthaza uzulu wesigaba seMandebeleni kumele simanyane singavumi ukuthi lelipulazi lithathwe.

Induna uMasuku utshele uChris Gande we Studio Seven ukuthi bamelele uMphoko ukuthi azoxazulula loludaba.

please wait
Embed

No media source currently available

0:00 0:00:44 0:00
Lapho esitholakala khona

UChris uphinde waxoxa loMfundisi Anglistone Sibanda ongomunye wabakhokheli bomhlangano wayizolo.

please wait

No media source currently available

0:00 0:02:48 0:00
Lapho esitholakala khona

XS
SM
MD
LG