WASHINGTON DC —
Sekuqhamuke inkulumo phakathi komkhokheli weMDC-T umnumzana Morgan Tsvangirai lo losibalukhulu wesigaba se Masvingo umnumzana Kudakwashe Bhasikiti phezu kodaba lokuphathisa abadilizelwa izindlu ngemva kokudabuka komduli wedamu le Tokwe Mukosi.
Kulumango kulemhuli ezedlula amakhulu amathathu ezasala zingelazindlu, zingasela mpahla zokugqoka lokudla, ngenxa yokuna kwezulu lesikhukhula. Imuli lezi zisuswe kulindawo zasiwa emangweni we Chigwizi khonale eMasvingo.
Abe hofisi yomkhokheli webandla leMDC-T bathi uBhasikiti walela uTsvangirai ukuya eMasvingo loncedo lolu besithi nxa efuna ukuphathisa kumele atshiye loluncedo emahofisini kasibalukhulu hatshi ukuyafika khona. UTsvangirai ubikwa ubefuna ukuya eMasvingo ekupheleni kweviki.
UChris Gande weStudio Seven uxoxe loBhasikiti yenake olandula ukuthi uTsvangirai walisiwe ukuletha uncedo lokuphathisa abantu abehlelwe luhlupho oludalwe yikudabuka komduli weTokwe Mkosi eMasvingo.
UBhasikiti uthi lawa ngamanga njalo akazi ukuba abakoTsvangirai bakwenzelani lokho ikantike yena utshone ebamelele ilanga lonke lamhlanje watshelwa ukuthi akasezi ngoba imotha abakade befuna ukuzisebenzisa ukuthwala lolu ncedo zibe lenkinga ngakhoke sezizabuya ngeviki ezayo ngoLwesibili.
UChris Gande uphinde waxoxa lomsekeli wesikhulumeli secele leMDC-T, umnumzana Joel Gabhuza yenake ogcizelela ukuthi ngempela bona njengebandla bathole umbiko othi uTsvangirai angeke afinyelela lapho okulabantu laba abehlelwe luhlupho kodwa kumele alethe uncedo lokudla lezembatho ehofisini kasibalukhulu wesabelo seMasvingo atshiye khona.
Kulumango kulemhuli ezedlula amakhulu amathathu ezasala zingelazindlu, zingasela mpahla zokugqoka lokudla, ngenxa yokuna kwezulu lesikhukhula. Imuli lezi zisuswe kulindawo zasiwa emangweni we Chigwizi khonale eMasvingo.
Abe hofisi yomkhokheli webandla leMDC-T bathi uBhasikiti walela uTsvangirai ukuya eMasvingo loncedo lolu besithi nxa efuna ukuphathisa kumele atshiye loluncedo emahofisini kasibalukhulu hatshi ukuyafika khona. UTsvangirai ubikwa ubefuna ukuya eMasvingo ekupheleni kweviki.
UChris Gande weStudio Seven uxoxe loBhasikiti yenake olandula ukuthi uTsvangirai walisiwe ukuletha uncedo lokuphathisa abantu abehlelwe luhlupho oludalwe yikudabuka komduli weTokwe Mkosi eMasvingo.
UBhasikiti uthi lawa ngamanga njalo akazi ukuba abakoTsvangirai bakwenzelani lokho ikantike yena utshone ebamelele ilanga lonke lamhlanje watshelwa ukuthi akasezi ngoba imotha abakade befuna ukuzisebenzisa ukuthwala lolu ncedo zibe lenkinga ngakhoke sezizabuya ngeviki ezayo ngoLwesibili.
UChris Gande uphinde waxoxa lomsekeli wesikhulumeli secele leMDC-T, umnumzana Joel Gabhuza yenake ogcizelela ukuthi ngempela bona njengebandla bathole umbiko othi uTsvangirai angeke afinyelela lapho okulabantu laba abehlelwe luhlupho kodwa kumele alethe uncedo lokudla lezembatho ehofisini kasibalukhulu wesabelo seMasvingo atshiye khona.