amalinks wokungena

Breaking News

Kufa Abantu Abedlula Itshumi Kusihlwa Kuyi Khisimusi


Christmas
Christmas

Amapholisa athi kusiyafika ilanga leKhisimusi namhla besekufe abantu abalitshumi lanthathu engozini zomgqawo leli kulinani eliphansi nxa kuqathaniswa lanyakenye okwasekufe abantu abalitshumi lasikhombisa ngesikhathi esifanayo.

Kodwa amapholisa athi inani labalimele engozini zomgwaqo liqansile kancane nxa kuqathansiwa lanyekenye ngesikhathi esifanayo.

Ukudakwa umuntu etshayela, ukutshayela imota ezingamanga kahle ngokunye okubikwa kuyimbangela yengozi lezi.

Isikhulumeli samapholisa, uChief Superintendent Paul Nyathi utshele iStudio Seven ukuthi amapholisa aphakathi kokuzama ukwehlisa inani lengzo zemota.

UNyathi uthi abatshayeli kumele batshiye ukutshayela nxa benathile njalo batshayele imota ezilungele ukuhamba emgwaqweni.

“Imota zakhona zimele zibe lalokho okuthiwa yifitness njalo umuntu wonke kumele abele responsibility ukuze sibe le Christmas, boxing day le New Year engela ma accident,” kutsho uNyathi.

Kudaba lokufumbathiswa kwamapholisa, ama bribe uNyathi uthi amapholisa abapho bonke abenza lokhu kunye lamapholisa.

“Kule zero tolerance against corruption njalo sicela kakhulu abanikazi bezimota ukuthi babone ukuthi imota zabo zilungele ukungena emgwaqweni,” kutsho uNyathi.

please wait

No media source currently available

0:00 0:02:09 0:00
Lapho esitholakala khona

XS
SM
MD
LG