Esigabeni sethu sendaba eziphathelane lezempilakahle lamhlanje, sikhangela uhlelo oluqhutshwa yinhlanganiso yabodokothela bakwele Melika eye Operation of Hope, lokuhlinza abantwana abazalwa begogekile umlomo unamathelane lamakhala, icleft, esibhedlela seHarare Hospital.
Lolu hlelo lusungulwe ngoMvulo ngeviki edluleyo njalo lukhangelelwe ukugqitshwa ngLwesithathu liviki. Omunye wababona ngokuqutshwa kwalolu hlelo eHarare unkosazana Martha Pamie uthi okwamanje sokuhlinzwe abantwana abangamatshumi amane lathoba minwembili-48.
Omunye umama oncedakale phansi kwalolu hlelo, olomntwana ohlinzwe ngoMvulo uthi ujabule okumangalisayo ngoba ukuhlinzwa komthanakhe kuphumelele okwamagama. Umthanakhe uthi usesenelisa ukudla kuhle sibili, ukudla kungaphumi ngamakhala lapho engakhwehlela loba ukuthimula njengakuqala.
Lumama okhethe ukubizwa ngokuthi nguNaka Blessing uxoxe loPraxedes Jeremiah weStudio 7 echasisa ngokujabula kwakhe ngoncedo aluthole kwabe Operation of Hope.