amalinks wokungena

Breaking News

Kuqhamuka Udlakela Emhlanganweni kaNkosikazi Mugabe


UNkosikazi Grace Mugabe ugqibe uhlelo lwakhe lokuhlangana labasekeli beZanu PF ngomhlangano awuqhubele eMarondera ngoLwesihlanu.

Emhlanganweni lo kuqhamuke udlakela olukhulu phakathi kwabasakhulayo abasekela icele likaNkosikazi Joyce Mujuru lecele elikhokhelwa nguMnu Emmerson Mnangagwa.

Abasakhulayo beZanu PF bake batshayana njalo emhlanganweni kaNkosikazi Mugabe eMutare.

UNkosikazi Mugabe uqhubeke ngamazwi akhe aqatha esola uNkosikazi Mujuru lanxa nje ebengamqambi ngegama.

UNkosikazi Mugabe uthi uNkosikazi Mujuru ngumuntu ohlebayo, omzondayo njalo oyenza imisebenzi yokungethembeki.

Ngalokho uthe kamelanga avunyelwe ukukhokhela ibandla.

UNkosikazi Mugabe uthe njalo ibandla leMDC leleMavambo Kusile Dawn abunjelwa endlini yomkhokheli wecele elifuna ukususa uMongameli Mugabe embusweni.

Kulokuvumelana kwabanengi ukuthi amazwi la ebeqondiswe kuMujuru.

Abanye kucele likaMujuru bathi uNkosikazi Mugabe kumele asuke esikhundleni sokuba ngumsekeli kaMongameli lanxa nje icala lokungethembeki aletheswa nguNkosikazi Mugabe lingakaze liphathwe ngamapholisa.

XS
SM
MD
LG