amalinks wokungena

Breaking News

Kuphawulwa Inkampani Elungisa Insimbi Yakwele France


Ummeli wakwele France eZimbabwe umnumzana Laurent Delahousse uthi kuqakathekile ukuba icace imithetho ekhuluma phezu kokuphathelene lezokutholiswa kwezizalwane zeZimbabwe amandla amanengi kumankampani nxa ilizwe lifisa ukuba bande osomabhizimusi bakwamanye amazwe okubalisa elakhe, abaza ukuzasungula amabhizimusi kuleli.

Inani lezahlakalo zokwephulwa kwelungelo loluntu eZimbabwe sekunganeno lanxa uDelahousse ethi udaniswa yikuthunjwa kukamnumzana Itai Dzamara njalo ethi bekungamelanga kuvunyelwe.

Wengeza ethi asemathathu amankampani akwele France aseze kuleli ukuzasungula amabhizimusi kusukela ngoZibandlela lonyaka.

Utsho lamazwi ephawula okusemthethweni enye yamankampani akwele France ye Motul ethi khona kuzakwaziswa phezu kokusungulwa kwamanye amankampani aselizweni lakhe kumaviki ambalwa alandelwayo.

Inkampani ye Motul le iphatheke kundaba zokuthengiswa kwensimbi zemota kanye lokunye okudingakalayo okubalisa amafutha.

XS
SM
MD
LG