amalinks wokungena

Breaking News

Bayaqala Ukutshengisela Besithi Kasuke Esihlalweni UMugabe


Umhleli wephephandaba ele The News Leader, uMnu. Itai Dzamara, ngoLwesibili ukhokhele ihlekana labantu abatshengisele e Harare Africa Unity Square.

Ukutshengisela lokhu bathi kujonge ukukhuthaza uMongameli Robert Mugabe ukuthi alandele okusencwadini yezikhalazo uDzamara azethule emahofisini akhe ngeviki edluleyo. Uke wabotshwa uDzamara ngemva kokwethula lincwadi ngoba etshele amapholisa ukuthi uzakhokhela ukutshengisela.

Incwadi yezikhalazo lezi ithi uMongameli Mugabe, okhethwe ngomnyaka odluleyo, kumele asuke esikhundleni ngesiphangiphangi kukhulunyiswane lenye inkokheli yezombusazwe ukuze kubunjwe uhulumende ozalungisisa umnotho welizwe phambilini kokhetho olumele lwenziwe.

Izakhamizi zedolobho leHarare bezizedlulela zingaphatheki ekutshengiseleni lokhu lanxa ibandla leMDC-T lalo lathi lizakhuthaza uzulu ukuthi atshengisele ngezikhalazo ezifana lezika Dzamara.

Omunye wabatshengiseleyo, uMnu. Charles Nyoni utshele iStudio Seven ukuthi bazaqhubeka betshengisela malanga wonke.

Ingxoxo loMnu. Charles Nyoni
please wait

No media source currently available

0:00 0:02:11 0:00
Lapho esitholakala khona

XS
SM
MD
LG