amalinks wokungena

Breaking News

Langa: Ukuxotshwa Kwami Akukho Emthethweni


Umgcinisihlalo weZanu PF eMatabeleland South uMnu Andrew Langa uthi amalunga alelibandla ahlangane eGwanda anquma ukuthi esuswe esikhundleni ayazikhohlisa ngoba umhlangano lo ubungekho emthethweni.

Abahlangane eGwanda laba ngoMvulo, ababikwa besekela icele leZanu PF elikhokhelwa nguMnu Emmerson Mnangagwa bathi uLanga kahloniphi uNkosikazi Grace Mugabe njalo udlelana lecele abathi lizama ukugenqula uMongameli Mugabe embusweni.

Kodwa embikweni awethule ngoLwesibili, uMnu Langa uwalandule wonke lawamacala wathi uyamsekela uMugabe lomkakhe. Wengeze wathi kakaze adelele uNkosikazi Mugabe langelanga elilodwa.

Ngalokho, uMnu Langa, yena ongumphathintambo obona ngezemidlalo lamasiko, uthi umhlangano wokumxotsha oyenziwe izolo lo awukho emthethweni, njalo okuphume kuwo kasoze akulandele.

Emhlanganweni lo, kube lodlakela njalo ekade besekela ukususwa kukaLanga bebethwele amabhakane amethesa icala lokudlelana lonkosikazi Mujuru, yena olwiswa licele elibikwa likhokhelwa nguMnangagwa.

Ukuhlaziya ukulwisa kuZanu PF lokhu sixhume ingcwethi kwezombusazwe uMnu Dumisani Nkomo.

Ingxoxo loMnu Dumisani Nkomo
please wait

No media source currently available

0:00 0:01:45 0:00
Lapho esitholakala khona
XS
SM
MD
LG