amalinks wokungena

Breaking News

Dokora: Udaba Lwendimi ZeSindebele Ezikolo Luzalungiswa YiConstitution


Umphathintambo wezemfundo uthi uhulumende uzasebenzisa isisekelo sombuso esitsha ukulungisa udaba lwababalisi abafundisa eMatabeleland kodwa bengakhulumi isiNdebele.

Umphathintambo wezemfundo uMnu. Lazarus Dokora uthi uhulumende uzasebenzisa isisekelo sombuso esitsha ukulungisa udaba olugoqela olwababalisi abafundisa ezigabeni zeMatabeleland kodwa besehluleka ukukhuluma ulimi lwesiNdebele.

Ekhuluma koBulawayo emhlanganweni obuqoqwe yisiphathamandla esibona ngezemfundo kubandla leZANU PF uMnu. Sikhanyiso Ndlovu, uMnu. Dokora uvumile ukuthi kulohlupho kuloludaba kodwa wagcizelela ukuthi kufanele indimi zonke ezilitshumi lesithupha zinanzwe idale lecabinet lingavuma ukuthi isisekelo sombuso esitsha siqalise ukusebenza.

UMnu. Ndlovu ufakazile ngalumhlangano kuStudio 7, wengezelela ukuthi labaphathi bezikolo kanye leziphathamandla zengatsha zemfundo labo balomlandu kuloludaba. Kodwa uMnu. Ndlovu kathandanga ukukhuluma okunengi ngaloludaba leStudio 7.

Udaba lolu lulandela ukukhonana kwabazali, abalwela ilungelo loluntu, kanye lenkokheli kwezombusazwe eMatabeleland, abakhonona ngokuthi kulababalisi abanengi abangenelisiyo ukukhuluma ulimi lweSindebele eMatabeleland, lanxa kululimi olusetshenziswa ngabantu abanengi kulesisigaba.

Ukuze sihlaziye loludaba, uSithandekile Mhlanga weStudio 7 uxoxe loMnu. Morris Ngwenya, ingcwethi ecubungula ezombusazwe yena ogcizelela ukuthi uhulumende usebenzisa indlela ezathabisa wonke umuntu.

please wait

No media source currently available

0:00 0:02:32 0:00
Lapho esitholakala khona

Emhlanganweni lo kuhlafunwe okunengi okuphathelane lezemfundo okugoqela ukusilela kwababalisi kanye lokuthi kube logwalo oluhlela kutsha izifundo, olwe curriculum.

XS
SM
MD
LG