amalinks wokungena

Breaking News

Libikwa Lehlile Inani Lababulawe Yingculaza Nyakenye ka2013


Inani labantu ababulawa ngumkhuhlane wengculaza, iAIDS, libikwa liyehle kakhulu ngomnyaka odluleyo nxa liqathaniswa ngomnyaka ka 2012. Ngomnyaka ka 2012 kwafa abantu abazinkulungwane ezingamakhulu afika phose amibili, 170 000 kodwa ngomnyaka odluleyo lehle laba zinkulungwane ezingamakhulu ayisthupha, i 60 000.

Iphephandaba le The Herald, libika ukuthi isiphathamandla sogatsha lwezempilakahle, u Dr. Mutsa Mhangara utshele umhlangano eHarare ngoMvulo ukuba abantu abahlaselwa yilumkhuhlane lalo lehlile ngesilinganiso esifika phose okubii ekhulwini sayafika kusilinganiso sokukodwa ekhulwini.

UMhangara uthe kodwa okudanisa ugatsha lwakhe yikuqonga kwenani labantu abahlaselwa ngeminye imikhuhlane yemacansini okungasuka kukhweze njalo inani labahlaselwa ligcikwane leHIV.

EleZimbabwe lanconywa ngamanye amazwe omhlaba ngokuba yisibonelo esihle sokusungula amaqhinga okwenqabela ukumemethetheka kokuthelelanwa igcikwane le HIV.

UMhangara utshele umhlangano lo ukuba ukwehla kwababulawa ngumkhuhlane weAIDS yikuthi abantu abaphila legcikwane leHIV kabasaphambanisi ukuthatha amaphilisi ama ARV.

UChris Gande weStudio Seven uxoxe lo Mnu. Obert Banda, ophila legcikwane leHIV othi amaphilisi asetholakala lula lezinsuku.
XS
SM
MD
LG