Liviki kuhlelo "Liphuma Lendaba, Litshone Lendaba", sixoxa loMnu. Brilliant Mhlanga ngemizamo kahulumende yokubamba ngamandla abafundi kusibanga sama-degree ukuthi babe leMaths kuO’ Level.
Lokhu kuvezwe ngumphathintambo obona ngemfundo yaphezulu uMnu Jonathan Moyo.
UMoyo uveze njalo ukuthi kuqala ngomnyaka ka2017 bonke ababalisi abafundisa emakolishini kahulumende kuzamele babe sebelezithupha zama PHD.
Wengeze wathi abayabe bengakazitholi lezi zithupha bazalahlekelwa yimisebenzi.
Umbono lo usekelwe ngezinye ingcwethi kwezemfundo ezigoqela uDr. Mhlanga.
“Ukululazeka kwama degree kubangelwa yikusabalala kwamaUniversities yikho sokudingeka ukuthi kufakwe umthetho onje,” kutsho uMhlanga, yena olesithupha sePHD njalo ofundisa kwelinye ikolitshi eBritain.