amalinks wokungena

Breaking News

Lonyaka Kukhanya Izulu Lingathembisi, Kutsho Ingcwethi


Umumbu
Umumbu

Ilanga liqhubeka litshisa okuvuthayo eZimbabwe lanxa kwezinye indawo izulu selisewule kodwa abezomkhathi bathi lonyaka alithembisi ukuna ngemfanelo.

Kuthi ngakwelinye icele, ezokulimisa ezifana lemvundiso, amakhuba, amathalakitha, inkabi zokulimisa lenhlanyelo zibikwa zingatholakali lula.

Inkampani enkulu elungisa imvundiso yamafertiliser, eye Sable Chemicals yethule umbiko kusikhatshana esisanda kwedlula ukuthi izakwehlisa inani lezisebenzi zayo ngoba ibhekane lohlupho olukhulu lokucitshwa kwamandla kagetsi elizweni okubikwa kubangelwa yikwehla kwamanzi kudamu le Kariba.

Izakhamizi ezikhulume leStudio Seven zithi seziqalisile ukulima lanxa ilanga litshisa njalo lezulu lingakani kwezinye indawo.

UMnu. Denford Ncube isakhamuzi seHwange, utshele iStudio Seven ukuthi bathabile kakhulu ngoba izulu like lana kakhulu ngoMvulo.

"Abanye bahle baya emakhaya ukuyalima ngoba izulu linile namhla. Lokutshisa kade kukhupha inhlanzi emanzini lakho sekungconywana," kutsho uNcube.

Ingcwethi ecubungula ezokulima, uMnu. Mandla Nkomo utshele iStudio 7 ukuthi lonyaka uhlupho lukhangelelwe ukuba nzima ngamandla ngoba kuleyezi elithiwa El Nino elivame ukubuya lendlala ngoba lingalethi izulu.

"Lumnyaka kukhanya kukubi kakhulu ngoba izulu kalisoze line njalo lemvundiso kayitholakali lula," kutsho uNkomo.

please wait

No media source currently available

0:00 0:02:01 0:00
Lapho esitholakala khona

XS
SM
MD
LG