Uhulumende uthi kumele luqhutshwe ngemfanelo uhlelo lwesine lokubalwa kwabantu eZimbabwe olweCensus. Uthi ngoba impumela eqotho iyaphathisa ukuhleleni inhlelo zentuthuko kanye lokufezwa kwezivumelwano ezinjengama Millenium Development Goals.
Lokhu kuvezwe zinkokheli zikahulumende womanyano emkhosini wokuphawula okusemthethweni uhlelo lolu.
Ekhuluma emkhosini lo uMongameli Robert Mugabe obengumhlonitshwa kuwo uthi kuqakathekile ukuba abazakuphatha lumsebenzi wabantu benze lumsebenzi ngobuqhotho benikeza inombolo lenani eliqondileyo.
UMnumzana Morgan Tsvangirai umkhokheli welinye lamacele awe MDC enguye njalo inhloko kahulumende laye ube khona emkhosini lo wagcizelela ukuthi ngempela kumele luqhutshwe ngemfanelo uhlelo lweCensus ukuze luphathisa ukuhlela kuhle inhlelo zokuthuthukisa ilizwe.
Kubika intathelizindaba yeStudio 7 uMavis Gama ngokugcweleyo.
Udaba lukaMavis Gama olweCensus