amalinks wokungena

Breaking News

MDC-T: UMphoko Kumele Atshiye Umsebenzi


Umongameli Robert Mugabe elabasekeli bakhe bobabili umnumzana Phelekezela Mphoko lomnumzana Emmerson Mnangagwa. Collage by Ntungamili Nkomo
Umongameli Robert Mugabe elabasekeli bakhe bobabili umnumzana Phelekezela Mphoko lomnumzana Emmerson Mnangagwa. Collage by Ntungamili Nkomo

Ibandla leMDC-T selichothoze umsekeli kaMongameli Robert Mugabe uMnu Phelekezela Mphoko ngamazwi akhe okuthi uMugabe kazange abe lesandla lokwenza lombuqazwe weGukurahundi, wona owabulalisa abantu abedlula inkulungwane ezingamatshumi amabili eMidlands leMatabeleland.

Ekhuluma ekolitshini leGreat Zimbabwe University ngoLwesine, uMnu Mphoko uthe umbuqazwe lo waqoqwa ngamazwe angentshonalanga ngenjongo yokubangela ukungahlaliseko elizweni.

UMphoko, yena ongumphathintambo njalo wogatsha lwezokuxolelana, ucunule abanengi ngamazwi afanayo kunyanga ezedluleyo.

Lanxa engakaze axolise, uMugabe ngokwakhe kakaze akulandule ukuthi ibutho lakhe leFifth Brigade yilo elabulala abantu beMidlands leMatabeleland.

Umsekeli wesikhulumeli seMDC-T uNkosazana Thabitha Khumalo uthi uMphoko kalungelanga ukuba kusikhundla sakhe, ngalokho kumele asuke.

please wait

No media source currently available

0:00 0:01:49 0:00
Lapho esitholakala khona

XS
SM
MD
LG