amalinks wokungena

Breaking News

MISA Zimbabwe: Okwenzakala eZBC Akutshengisi Inguquko Elobubelo


ZBC
ZBC
Inhlanganiso elwela ilungelo lentathelizindaba, eye Media Institute of Southern Africa- Zimbabwe, ithi ukugenqulwa kwesinqumo sokwaba kutsha izikhundla emsakazweni we ZBC okwenziwe yiBoard yalinkampani akutshengisi ukuthi kungaba lenguquko engenziwa kulumsakazo.

IBoard yalinkampani ngoMvulo yazise ukuthi inyathelo elikade lithethwe yiziphathamandla zalinkampani zisithi zizama ukulungisisa okuhluphayo kalikho emthethweni ngoba ibingaziswanga.

NgoLwesithathu umphathintambo wezokwethulwa kwembiko, uMnumzana Jonathan Moyo utshele intathelizindaba ukuthi kalani ngokwenza kwe board kumbe iziphathamandla zalinkampani. Inguquko ekade izakubakhona kade izabona okhokhela ugatsha lomsakazo, uMnumzana Chris Chivinge esiyakhokhela ugatsha lwendaba olukhokhelwa nguNkosazana Josephine Zulu.

Umgcinisihlalo we board ye ZBC uMnu. Gibson Munyoro wazise ukuba linguquko kayisoze ibekhona njalo wonke umuntu kumele abuyele esikhundleni sakhe.
Umgcinisihlalo we MISA Zimbabwe UMnu. Nhlanhla Ngwenya utshele iStudio 7 ukuba inyathelo elithethwe yiboard kalisoze liphathise umsakazo lo ophakathi kodubo olubangelwe liholo eliqonge okwesabekayo ebelitholwa yiziphathamandla zalinkampani.
XS
SM
MD
LG